Hjólamenn halda 3. bikar - 20 km tímatökukeppni miðvikudaginn 16. maí kl. 19 á Krýsuvíkurvegi.
 
Skráningu lýkur þriðjudaginn 15. maí kl. 18.  Skráning telst ekki gild nema greiðsla hafi einnig borist.

Afhending rásnúmera fer fram í Ásvallalaug 2. hæð milli kl. 18 og 18:30 á keppnisdag.  Verðlaunaafhending fer einnig fram í Ásvallalaug þar sem boðið verður upp á léttar veitingar að lokinni keppni.

Allar nánari upplýsingar á http://www.hjolamenn.is/    

 

 Myndir smella hér.

Úsllit smella hér.

 

Hjólreiðafélag Reykjavíkur hélt fyrri criterium keppni sumarsins, og annan bikar í götuhjólreiðum, í Vallahverfi í Hafnarfirði. Aðstæður voru eins og best verður á kosið, sól og hægur vindur, umferðin takmarkaðist að mestu við fótknúna trefjaplastfáka.

Úsllit smella hér.
Myndir smella hér.

B flokkur reið á vaðið, og hjólaði 10 hringi, mættu 8 til leiks. Sigurvegarar Evgenia (Ægir Þríþraut)  í kvennaflokki og Pétur Þór Hall (HFR) í fyrstasæti, Bragi Freyr (Tindur) í öðrusæti og Loftur (3SH) í þriðjasæti í karlaflokki.

A flokkur fylgdi í kjölfarið, og hjólaði 14 hringi. Karlar (23) lögðu af stað 1 mín á undan konum (4). Hjá körlunum hélt hópurinn nokkuð vel saman fyrstu 3 hringina, að fyrsta spretti, en þá skiptist hópurinn upp í nokkra smærri, sem síðan drógu saman í tvo hópa á 7. hring (uþb 9 í hvorum) sem héldu nokkuð jöfnu bili allt til enda. Helgi Berg vann 2 spretti. Hafsteinn Ægir (Tindur – Örninn Trek) hafði sigur í æsilegum endaspretti, Ingvar (Tindur) annar og Helgi Berg (HFR) þriðji fylgdu í kjölfarið. Sjónarmunur var milli þeirra.

Konurnar hjóluðu saman fyrstu 9 hringina, en þá náðu Ása Guðný og María Ögn nokkru forskoti, á 11 hring náði María Ögn forskoti á Ásu sem hún hélt til loka. María Ögn fékk fullt hús stiga í sprettunum sem voru í boði.  María Ögn (Tindur – Örninn Trek) fyrst, Ása Guðný (HFR) önnur, og Margrét (Ægir Þríþraut/HFR) þriðja.

Í unglingaflokki (23. ára og yngri) var Ingvar (Tindur) fyrstur, Davíð Þór (HFR) annar og Hlynur (HFR) þriðji. 
Nánari úrslit koma síðar.

Úsllit smella hér.

Hjólreiðafélag Reykjavíkur heldur annan bikar í Götuhjólreiðum Criterium fimmtudaginn 10. maí kl. 19:30 2012.

Keppnin verður haldin í Vallarhverfi nánar Kapelluhrauni í Hafnarfirði.  Rásmark (sjá kort af brautinni), aðkoma að brautinni (sjá kort). Keppnin hefst kl. 19:30 . Brautin er 1,97 km.



Boðið verður upp á A og B flokka karla og kvenna.
Ræsing B flokks er kl. 19:30 B flokkur hjólar 10. hringi.
Ræsing A flokks er kl. 20:15 A flokkur hjólar 14. hringi.

Verðlaun verða veitt fyrir besta sprettarann í karla og kvennaflokki, sprettir eru eftir 3., 6. og 9. hring og fá þrír fyrstu stig, 3 stig fyrir fyrsta sæti, 2 stig fyrir annað sæti og 1 stig fyrir þriðja sæti.
Einnig verður verðlaunað fyrir besta yngri (23. ára og yngri) hjólreiðamann og hjólreiðakonu. 

Hópar verða sameinaðir ef þátttökufjöldi gefur tilefni til.
( B -  FLOKKUR karla og kvenna - eru þeir sem hafa gaman af að hjóla en hafa ekki verið að keppa í stærri keppnum innan ÍSÍ. )

Keppnisgjald er kr. 2000 skráningu lýkur 9. maí kl. 23:00
Félagsmenn HFR sem hafa greitt árgjald fyrir árið 2012 er keppnisgjald kr. 1500.

Skráning smella hér Skráningu lýkur 9. maí kl. 23:00

Reglur:
Þegar hjólreiðamaður er hringaður dettur hann sjálfkrafa út úr keppni, keppendur klára þann hring sem þeir eru á og koma í mark. Þeir sem detta út á sama hring lenda í sama sæti. Keppandi sem er hringaður má ekki blanda sér í keppnina.
Í sérstökum tilfellum getur keppnisstjóri ákveðið að hópur sem búið er að hringa klári alla hringi.
Ef hjólreiðamaður dettur, sprengir dekk, eða verður fyrir bilun í búnaði má hann koma aftur inn í keppnina á sama stað ( fyrir aftan þann hóp sem hann var í ) og hann var í áður en hann lenti í óhappinu með samþykki keppnisstjóra, en eigi síðar en eftir einn hring. Þessi regla gildir ekki á síðustu fimm hringjum. Hjólreiðamaður hefur heimild til að nota þessa reglu einu sinni í keppni.
Þegar einn hringur er eftir er gefið merki með flautu. Einnig verður gefið merki við upphaf spretthrings.

Keppendur eru á eigin ábyrgð í keppnum HFR. Hjálmaskylda er í öllum keppnum HFR.